Аймақтық желі

Жамбыл облыстық филиалы

Жамбыл жерінде 1989 жылдың 1 қарашасында облыстық телеарна өз жұмысын бастады. Бұл оқиға – облыс тарихындағы жарқын беттердің бірі болды десек артық айтқандық емес. Біріншіден, Жамбыл теледидары республика көлемінде 21 жыл үзілістен кейін, электронды ақпарат кеңістігіне қосылған алғашқы ұжым болды. Сөйтіп 1989 жылдың 1 қарашасында шаңырақ көтерген телеарна араға алты күн салып барып, орталық алаңдағы еңбекшілер шеруінен тікелей хабар жүргізді.

Алғашқы кездері телеарна ұжымы эфирге аптасына бір-екі, кейде үш рет шықты. Хабарлардың ұзақтығы 15-20 минуттан аспайтын. Себебі, одан арыға мүмкіншілік болмады. КСРО телевизия және радио хабарларын тарату жөніндегі мемлекеттік комитет облыстық телехабарларға 40-45 минут уақыт беріп, соған ғана қаржы бөліп отырды. Сонымен қатар, телеарнада қазақ тілді хабарлардың санын көбейту алға қойылған басты мақсаттардың бірі болды. Алғашқы кезде негізінен хабарлар ПТС (жылжымалы телестанция) арқылы таратылды. Көп ұзамай толық күрделі жөндеуден өткізіліп және техникалық жағынан жарақтандырылған Сүлейменов көшесіндегі Жамбыл гидромелиоративтік инженерлік құрылыс институтының көне ғимараты телеарнаға басыбайлы берілді. Сонымен қатар Қаратау қалалық телестудиясын тездетіп іске қосу да назардан тыс қалған жоқ Соның нәтижесінде жаңалықтар мен хабарлар тікелей эфир арқылы телестудиядан таратыла бастады.

1991 жылы еліміз тәуелсіздік алғаннан кейін күн сайынғы (сенбі, жексенбіден басқа күндері) эфир уақыты бір сағатқа ұзартылды. «Қазақстан» Республикалық телерадиокорпорациясы акционерлік қоғамы Жамбыл облыстық филиалының («Қазақстан-Тараз» телеарнасының) қазіргі апталық эфирлік уақытының көлемі - 98 сағат, жалпы тәуліктегі көрсетілімі - 14 сағат. Телеберілімдерге жүргізілген апталық және тәуліктік мониторингі көрсеткендей, эфир уақытының тілдік арақатынасының сақталуы Қазақстан Республикасының «БАҚ туралы заңына» сәйкес келеді. Яғни, мемлекеттік тілдегі хабарлардың үлес салмағы 60-70 пайыз шамасында, ал орыс тіліндегі көрсетілімдердің көлемі 30 - 40 пайызды құрайды.

Телеарнаның меншікті бағдарламаларының жалпы саны-30, оның 6-қоғамдық саяси, 5-мәдени, ұлттық-этнографиялық, 4-әлеуметтік-экономикалық, 1-діни, 2-спорт, балалар хабарлары, қалғандары өзге де сан алуан тақырыптарды қамтиды. Жалпы бағдарламалардың барлығы телеарнаның арнайы мерзімдік көрсетілім кестесіне сай мемлекеттік және орыс тілдерінде беріледі. Авторлық бағдарламалардың апталық ауқымы-2660 (44,3сағат) минутты құраса, тәулігіне-380 минут (6,3 сағат) деңгейінде. Қазақ тілді бағдарламалардың апталық үлес салмағы-1015 минут. Мемлекеттік тілдегі бағдарламалардың үлес салмағы аптаның әр тәулігінде 60 пайыздан 85 пайызға дейінгі аралықта өзгеріп отырады.

Филиал басшылығы бекіткен хабар тарату кестесі бойынша мемлекеттік тілде жарық көретін материалдардың жариялану уақыты және көлемі тұрақты түрде сақталынады.

Телеарнаның «Қазақстан» Ұлттық арнасының телехабартаратқыштары арқылы бір сағаттық көрсетілімдерінің облыс елді мекендерін қамту көлемі 86 пайызды құрайды. 2011 жылдың қыркүйегінен бастап телеарна республика бойынша аймақтар арасында бірінші болып лентасыз (безленточный технология) хабар тарату жүйесіне көшті.

Біздің ұжым

Мейрамбек Мылтықбайұлы Төлепберген, филиал директоры

1957 жылы туылған. Қазақ мемлекеттік университетінің журналистика факультетін бітірген. Қазақстан Республикасының мәдениет қайраткері, ҚР Журналистер одағы сыйлығының лауреаты. «Сағасында Таластың бір ауыл бар» (1995), «Қаһарман Бақтыораз» (2000), «Ақиқат алдында» (2002), «Ұлбике» (2002), «Шоқыр» (2003) деген кітаптардың авторы. Сегіз жинаққа таңдаулы очерктері енген. Қазақстан Президентінің Жарлығымен «Ерен еңбегі үшін» медалімен (1999), Мәдениет, ақпарат және қоғамдық келісім министрлігінің «Мәдениет қайраткері» белгісімен (2000), «Қазақстан Республикасы тәуелсіздігінің 10 жылдығы» медалімен марапатталған. Алматы облысының «Балқаш ауданының құрметті азаматы».

Еңбек жолын Жамбыл облысының Сарысу ауданындағы Тоғызкент совхозында құрылысшы болып бастаған. Ал университетті бітірген соң Алматы облыстық «Жетісу» газетінде бөлім меңгерушісі, жауапты хатшының орынбасары, «Халық кеңесі» газетінде бөлім редакторы, «Егемен Қазақстан» газеті Алматы филиалының басшысы, бөлім бастығы және саяси шолушысы болды. Кейін «Қазақстан теміржолдары» ҰҚ» акционерлік қоғамының жұртшылықпен байланыс жөніндегі департаментінің директоры, «Қазақ газеттері» ЖШС Алматы, Жамбыл облыстары бойынша өкілі қызметтерін атқарған. 2012 жылдың мамыр айына дейін Жамбыл облысы әкімінің орынбасары болды.

2012 жылдың 3 мамырынан бастап «Қазақстан» РТРК АҚ Жамбыл облыстық филиалының директоры.

Қазыбаев Алпамыс Шәменұлы, филиал директорының орынбасары

ТарМУ-дің «Әлем тілдері және әдебиеті» факультетін бітірген. Алғашқы еңбек жолын «Қазақстан» РТРК АҚ Жамбыл облыстық телерадиокомпаниясында бастады. Диктор, редактор, редактор-корреспондент, аға редактор, «Қазақстан» ҰТА Жамбыл облысындағы меншікті тілшісі, «Қазақстан-Тараз» телеарнасының аға редакторы, «Қазақстан» РТРК АҚ СҚО филиалы директорының орынбасары – Бас редактор, Жамбыл облыстық «Ақ жол» газеті жауапты хатшысының орынбасары, 2010 жылдың қазанынан «Қазақстан» РТРК АҚ Жамбыл облыстық филиалы директорының орынбасары – бас редактор.

ҚР Журналистер Одағының мүшесі, 2 рет «Қазақстан» РТРК АҚ Басқарма төрағасының мақтау қағазымен, Жамбыл облысы әкімінің, «Нұр Отан» ХДП Жамбыл облыстық филиалының «Құрмет грамотасы», Солтүстік Қазақстан облысы әкімінің «Алғыс хатымен» және өзге де марапаттауларға ие болды. Қазақ теледидарының 50 жылдығына орай ОҚО өткен «Дидар» фестивалінде «Телевизия – менің тағдырым» номинациясы бойынша жүлделі орынға ие болған. ІІ дәрежелі «Қайсар» төсбелгісімен марапатталған.

Өз ісіне сенімді әрі сергек азамат қана мол мүмкіндікке қол жеткізе алады.

Дәуренов Дүйсен Молдашұлы, редактор-жүргізуші

1977 жылы Жамбыл облысы, Жуалы ауданында дүниеге келген. 1994 жылы Тараздағы №5 Жамбыл атындағы орта мектепті, 1995-1997 жылдары Жамбыл Қазақ-түрік есеп экономикалық колледжін тәмамдаған. 1997-1999 жылдары әскер қатарында болды. 2002-2007 жылдар аралығында Қ.А.Яссауи атындағы Халықаралық қазақ-түрік университетінің Тараз институтында оқыған. 2004 жылдан бастап облыстық «Қазақстан-Тараз» телеарнасында редактор, редактор-жүргізуші және аға редактор. «Иман нұры», «Менің қалам», «Ақиқат алаңы» «Алдаспан» бағдарламаларының авторы.

Өмірзақова Күләш Ташайқызы, аға редактор

1956 жылы Тараз қаласында дүниеге келген. 1980-1986 жылдары С.М. Киров атындағы Қазақ мемлекеттік университетінде «журналистика» мамандығы бойынша білім алған. 1990 жылы «Қазақстан» РТРК АҚ Жамбыл облыстық филиалына редактор қызметіне қабылданып, 1997 жылдан бері телеарнаның аға редакторы.

Нәметқұлов Ербол Жасұзақұлы , бас инженер

1971 жылы Жамбыл облысы, Байзақ ауданы, Қызыл жұлдыз аулында дүниеге келген. 1988-1992 ж.ж. Рига авиациялық университетінде «радиоинженер» мамандығы бойынша білім алды. 2000-2002 ж.ж. Мемлекеттік Қ.А.Яссауи атындағы Халықаралық Қазақ-Түрік университетінің «Экономика және менеджмент» мамандығы бойынша білім алды. 1993 жылы «Қазақстан» РТРК АҚ Жамбыл облыстық филиалына инженер қызметіне қабылданды. 2000 жылдан бастап телеарнаның бас инженері.

Тоғанбаева Меңтай Жолдықұлқызы, бас есепші

1977 жылы Жамбыл облысы, Жамбыл ауданы, Аса аулында дүниеге келген. 1994-1999 жылдар аралығында М.Х.Дулати атындағы Тараз мемлекеттік университетінің жеңіл өнеркәсіп кәсіпорындарының экономикасы және менеджменті факультетінде білім алған. 2000-2007 жылдары Тараз қаласы бойынша Мемлекеттік зейнетақы төлеу орталығы төлемақы бөлімінде бас маман, кассир, материалдық есепші қызметтерін атқарған. 2007-2008 жылдары «Күмбез-Тас» ЖШС-де бас есепші. 2008 жылдың сәуір айынан «Қазақстан» РТРК АҚ Жамбыл облыстық филиалына экономист қызметінде. 2010 жылдан телеарнаның бас есепшісі.

Әбішева Әзиза Әбденбекқызы, бас менеджер

1960 жылы Жамбыл облысы, Тараз қаласында дүниеге келген. 1978-1983 жылдары Жамбыл жеңіл және тамақ өнеркәсібі технологиялық институтын «инженер-химик-технолог» мамандығы бойынша білім алған. 1998 жылы «Қазақстан» РТРК АҚ Жамбыл облыстық филиалына жауапты шығарушысы. 2008 жылдан телеарнаның бас менеджері қызметіне ауыстырылды.

Сайлаубеков Данияр, бас режиссер

1964 жылы Оңтүстік Қазақстан облысы, Ленинск ауданы, Тұрбат аулында туған. 1982-1987 жылдары Алматы мемлекеттік театр және сурет өнері институтының «Драма театры және кино» мамандығы бойынша бітірді. 2006 жылы «Қазақстан» РТРК АҚ Жамбыл облыстық филиалына режиссер қызметіне қабылданып, 2008 жылдан телеарнаның аға режиссері.

Асаубаев Ермек Қасықбайұлы, бас телеоператор

1965 жылы Алматы қаласында дүниеге келген. 1989 жылы «Қазақстан» РТРК АҚ Жамбыл облыстық филиалына телеоператор қызметіне жұмысқа қабылданды. 1991 жылы Бүкілодақтық телерадиохабарларын тарату қызметкерлерінің дәрежесін жоғарылату институтының корреспондент және телеоператорлар оқу жоспары бойынша толық курсынан өтті. 2005 жылдан телеарнаның аға телеоператоры.

Гүлбаршын Құланбаева, аға редактор

1985 жылы Оңтүстік Қазақстан облысы, Түлкібас ауданы, Жаңаталап ауылында дүниеге келген. 2001-2006 жылдары М.Х.Дулати атындағы Тараз мемлекеттік университетінің «қазақ тілі және әдебиеті» факультетін тамамдаған. 2005 жылы «Қазақстан-Тараз» телеарнасына жұмысқа қабылданды. Қазіргі таңда хабарлар дайындау бөлімінің аға редакторы. «Өнербаян», «Тілдария», «Сөз-жебе», «Атамекен» хабарларының авторы. Мемлекеттік тілді насихаттауға бағытталған хабарларды үздік деңгейде дайындағаны үшін ҚР Байланыс және ақпарат министрлігінің арнайы дипломымен марапатталған, «Жыл таңдауы-2009» байқауының күміс жүлдегері.

Жетістіктер

2010 жылдың шілдесінде «Қазақстан-Тараз» телерадиоарнасының сапалы ақпаратпен хабар тарату жүйесі жұмысына «Қыран» аймақтық тұтынушылар лигасы қоғамдық бірлестігінің «Алтын сапа» белгісі берілді;

2011 жылдың 18 қаңтарында Елбасы Нұрсұлтан Назарбаевтың қолдауымен елімізде отандық спутниктік пакеттегі жүйе іске қосылды. Осы арқылы сантаңбалық жүйеде Қазақстанның барлық аймағында кез-келген отбасы 18 республикалық, 14 облыстық және 3 радиоарна мен ақылы қосылған 50 шетелдік телеарнаны тамашалауға мүмкіндік алды. Осыған орай Жамбыл облыстық «Қазақстан-Тараз» телерадиоарнасы хабарлары да сантаңбалық жүйе арқылы тарай бастады. Нәтижесінде тәулігіне 14 сағат бойы 205-ші арнада «Қазақстан-Тараз» телерадиоарнасын миллионнан астам тұрғыны бар Жамбыл өңірінің жұртшылығы тамашалайтын болды. Сонымен қатар, 2011 жылдың 1 қыркүйегінен бастап телеарна соңғы озық технологиямен жұмыс істейтін «Synegi» жүйесіне көшті;

Өткен жылдың маусым айында журналистердің кәсіби мерекесіне орай редакторлар Найымбек Бағбанов пен Дүйсен Дәуренов қоғамды қалыптастыру мен мемлекеттің мақсат-мүддесін орындау барысында атқарған еңбектері үшін «Нұр Отан» ХДП Жамбыл облыстық филиалы төрағасының Құрмет грамотасымен марапатталды. Сонымен қатар, облыстық радионың дыбыс режиссері Н.Шәметова, телеарнаның аға редакторы Д.Дәуренов облыс әкімінің Құрмет грамотасымен марапатталды.

Бағдарламалар

«Ақпарат»жаңалықтар бағдарламасы

Жиілігі: күн сайын (9.00, 13.00, 18.00, 20.00, 23.00)

Жанры: ақпараттық

«Рауан»таңғы ақпаратты-сазды бағдарламасы

Күнделікті қызу тірлікке кіріскелі жатқан халыққа көтеріңкі көңіл-күй сыйлау. Тақырып аясында түрлі маман иелерін қонаққа шақырып, бағдарламаның тәрбиелік мәнін арттыру. Сонымен қатар, күнделікті ақпараттық жаңалықтарды көрсете отырып әлемдік таңғажайып, қызықты оқиғалармен көрермендерді таныстыру.

Эфир уақыты: 07.30

Жиілігі: күн сайын

Ұзақтығы: 1 сағат 30 минут

Жанры: ақпаратты-сазды

Авторы: ұжымдық

«Тосқауыл»

Өмірде болып жатқан түрлі көлік апаттары, қылмыс хроникасы және іздеу жарияланған азаматтар туралы ақпарат беру. Қылмыс әлемінің соңы темір тормен тұйықталатынын болған оқиғалармен өрнектеп, көпшілікті, жастарды тәртіпке шақыру, тәлім-тәрбиені насихаттау.

Эфир уақыты: 21.05

Ұзақтығы: 15 минут

Авторы: Р. Абдуалиев

«Руханият»

Ел ішіндегі рухани құндылықтарымыздың тарихын, тәрбиелік мәнін көрерменге жеткізу. Сонымен қатар ақын-жазушылар және шығармашылық жолда аянбай еңбек етіп жүрген азаматтардың бүгінгі қол жеткізген табыстары мен кейбір мәселелерін ашып көрсету.

Тілі: қазақша

Ұзақтығы: 15 минут

Авторы: Ғ.Әлімбекқызы

«Иман нұры»

Адамгершілік, ізгілік, ұлттық құндылық, саналы тәрбие беру, хақ дін Исламды барынша халыққа түсінікті тілмен жеткізу. Бүгінде сан түрлі діни ағымдардың жетегінде кеткен қандастарымызға ой салып, дұрыс бағыт-бағдар беру. Дін мен дәстүр арасындағы мәселелерді анықтап, жастарды имандылыққа, тәрбиеге шақыру.

Тілі: қазақша

Ұзақтығы: 15 минут

Авторы: Д.Молдашұлы

«Құмсағат»ток-шоуы

Адамдар өмірінен қаз-қалпында, еш боямасыз алынған оқиғалар жөнінде әңгіме қозғау. Эфир уақыты: 20.20 Ұзақтығы: 40 минут Авторы: Ж.Берікқазыұлы «Ақ тілек» Қуаныш иелеріне арналған сазды құттықтау бағдарламасы. Тілі: қазақша Ұзақтығы: 60 минут «Денсаулық» Облысымыздағы денсаулық саласында болып жатқан тың жаңалықтармен бұқараны сусындатып қана қоймай, оларды нағыз салауатты өмір салтына насихаттайтын хабар.

Ұзақтығы:30 минут

Авторы: Ж. Айтбекқызы

«Өмір өткел»

Облыстан шыққан ерекше жандар мен халық жүрегінен орын алған азаматтардың еңбек жолындағы жетістіктері туралы, олардың өткені мен бүгіні туралы сыр шертетін бағдарлама.

Эфир уақыты: 20.40

Ұзақтығы: 25 минут

Авторы: Ғ. Әлімбекқызы

«Өрлеу»

Тәуелсіздіктің 20 жылдығында жеткен жетістіктер мен осы уақыт аралығында атқарылған істер баяндалады.

Эфир уақыты: 17.50

Ұзақтығы: 10 минут

Авторлары: Ж.Саңғыл

«Көкейкесті» тікелей сұхбат

Эфир уақыты: 18.30

Ұзақтығы: 25 минут

Авторы:Д. Молдашұлы, К. Өмірзақова

«Сөз жебе» бағдарламасы

Мемлекеттік тілдің мәртебесін көтеру, ана тілін дамытудағы күрделі мәселелерді қоғам қайраткерлерімен, белгілі тұлғалармен бірге талқылау.

Ұзақтығы: 25 минут

Эфир уақыты: 20.40

Авторы: Г. Құланбаева

«Қызық екен...»

Бағдарламаның мазмұны - қаймағы бұзылмаған қазақы ауылдың әзіл-қалжыңы, қоғам қайраткерлері, атпал азаматтармен сыр-сұхбат, олардың ерекше қырлары, күнделікті тіршілікте кездесетін қызықты оқиғаларға құрылған әзіл-қалжың отауы.

Ұзақтығы: 20 минут

Эфир уақыты: 20.40

Авторы: М. Нұрланқызы

«Балмұздақ»

Бағдарламаның мазмұны - қызығы мен шыжығы мол жастық шақтың түрлі оқиғалары, талабы таудай жас таланттардың жүрекжарды шығармалары, көңілді тапқырлар клубының қалжың қалтасы осы хабарға арқау болады.

Ұзақтығы: 20 минут

Эфир уақыты: 20.40

Авторы: М. Нұрланқызы

«Айша бибі» қыз-келіншектердің сырласу клубы

Бағдарламаның мазмұны - отбасы мен қызмет тізгінін ұстаған қыз – келіншектердің түрлі пікірлері, бала тәрбиесіндегі рөлі, жүрегі жылы, жаны нәзік жандардың ортақ мәселелері төңірегіндегі тұщымды пікірлер айтылады.

Ұзақтығы: 20 мин.

Эфир уақыты: 20.40

Авторы: Ғ. Әлімбекқызы

«Бизнес инфо» бағдарламасы